SEENAA J. WAAQOO GUUTUU

SEENAA JENERAAL WAAQOO GUUTUU USUU

                   

Gootichi Oromoo Jeneraal Waaqoo Guutuu Usuu , Abbaa

isaanii Obbo Guutuu Usuu Cammarrii fi haadha isaanii Aaddee

Dhuulloo Alii Hasan irraa bara 1924 Ona madda- Walaabuu lafa

Odaa jedhamutti dhalatan.

Abbaan isaanii Obbo Guutuun ilma dhiiraa (10) fi durba (9)

wolumaa

galatti ujoollee (19) qaban turan. Isaan keessaa Jeneraal

Waaqo ammoo dubartoota ( 7 ) irraa ijoollee (49) kan horan

yoo ta’an , kanniin keessaa

(15) lubbuun hin jiran. Yeroo ammaa abbaa dubartii (16) tii fi

dhiira (18) walumaa galatti abbaa ijoollee (34) ti.

Generaal Waaqoon ijoolummaa isaanii irraa jalqabanii

armi’aayaa, xiiqii fi jibbansa diinaa qabaniif qofa osoo hinta’in

Diddaa Gabrummaatiif faandhooftuu turan.

Bara 1938 tti osoo abbaan isaanii hin beekin, fuudhanii mana

osoo hin bahin gabayanii horii abbaa isaaniitiif obbolleesa

hangafaa gurguratanii qawwee bitatan.Sammuun isaanii

roorroo gabrummaa fudhataa waan hin ta’iniif ijoollee

daraboo/hiriyyoota isaanii

gurmmeessuun akkasumas gorsuun poolisii mootummaa

tumaa turan.

Bara 1943 obbo Muhaammad Gadaa Qaalluu fakkeenya

godhachuun Diddaa Gabrummaatti seenan.

Bara 1952 akka nama miskiina tokkoo

ta’anii uffata Poolisaa nama dhaloota Gosa Raayituu Alii jiloo

kan maqaan kirsitaanaa Shaalaqaa Isayaas jedhanii

moggaafatan kadhachuun erga ini kenneefii booda, isuma

uffachuun magaalaa seenanii , kitilayyoota

Habashaa sodaachisaa turan. Iccitii dhan

gartuulee diinaa irrati tarkaanfii ciccimaa

fudhataa turan, bara 1958 Poolisoota lama (2) ajjeesan.

Baruma kana keessa Poolisii erga

ajjeesaniin booda, akkuma tasaa

magaalaa Nageelleetti wal argan. yoo kana , “E-eessa

baddee?, Atoo Waaqoo !!! “ jedhee gaafata, yoo tana malli

qaruuxummaa dafee dhufeef. ”Looniin godaanee gammoojjiin

ture,

Damma adii ati jaalattu kan nagaafate siif

arge, horii ittiin bitu dhabee fidi” jedheen.

Shaalaqaan baay’ee gamaddee ,”xuruu xuruu ”Qaaqoo koo!” jedhee Qarshii 200 itti kenne.

Garaa keessa itti kolfaa kiisa kaayatanii biraa deemanii yeroo

san rasaasa ''zinnaara'' dachaa lamaatti guuttatee biraa deeme” jedhan.

Ammas baatii tokkoon booda Nageelleetti futi walitti jedhan.

Nagaa dhumallee utuu hin gaafatin “maali sin barbaadaa mitii,

damma kee bitee lafa jiraa , horiin waa kaffalee ittiin feesisuun

dhabee “ jedheenii Qarshii 20 amallee irraa fudhate, tooftaa kana fakkaatu

heddu gargaarramanii diina hifachiisaa turan.

Bara 1962 dhiibbaan, gidiraa fi ajjeechaan

mootummaa Habashaa ummata isaanii irratti hammaataa

dhufnaan ijoollee ganna (10) gadii ilmaan Helgool Waaqoo,

Abdallaa Guutuu , Alii Jiloo, Yisaaq Suudee Goobana,

Muhaamad Butaa

Aagaa fi Alii Buttaa Aagaa kkf dhibbootan

ajjeefaman keessaa hanga tokko yoo ta’an, tarkaanfii

Mootummaa Habashaa kana hifachuun ummanni bulchitoota

naannoo kan Habashaati iyyate, yeroo kana dubbii kana ''nugusicha'' bira gahe.

Finfinnee irraa Koloneel Taaddasaa

Taganii namni jedhamuuf ajajaa waraanaa kutaa Sidaamoo

yeroo sanii koloneel Zawudee Xilahun gadi dhufanii Ummata

Oromoo naannoo Nageellee Booranaa jiru mooraa waraanatti

walitti qabuun ''rakkoon keessan maali!'' jedhanii gaafatan. Yoo

kana Ummanni walitti qaban hundi ''rakkoon keenya isini;

Biyya keenya irratti dhuftanii nu ajjeessaa jirtan, dubartii fi

daa’imman keenya irra deemtanii fixaa jirtan, Qabeena keenya

saamtanii kaan barbadeessaa jirtan, namoonni isin of jalatti

qabattanii nu ajjeeftan, nuun maalin adda jiran? Nuuf isaan

Obboleeyyanii maalif adda nu baaftan? kana hundaa isintuu

nutti fidee lafa teenya irraa nuu ka’aa” jedhaniin.

Aangawichi mootummaa kunis yoo dhumaatiif ''saamicha jalaa

bayuu barbaaddan lafa tana gadi dhiisaa gama lafa teessaniitti

galaa. Lafti kun teessanii miti, isin (kasaftee) jirti lafti teessan

Dhaddacha Waraabbiif achii gadi deemaa itti galaa'' jedheen

.''Yoo ka’uu diddan

du’aa fi saamichi isin irraa hin hafu amoo

humnaanuu ni kaatan beekkadhaa” jedheen.

Dhaddachi Waraabbii Magaalaa Doolootan Daangaa

Itoophiiyaa fi Sumaalee irraa KM 70 gadi fagaatti.

Ummani ''nuti lafti teenya tanaa gadi

dhiifnee Biyya ambaatti wanti galluuf hin jiruu'' jedhanii itti

iyyinaan “Maal akka Shimbira ganamaa wal jalaa Ciwu Ciwu” jettu jedhee R/T waraana banachuun humna itti waamate.

Ummanillee garjabummaa diinaa kana waan beekuuf hayyee, ''akka jettanuu haa ta’uu ni kaana, guyyaa beellamaa nuu kennaa!'' jedhaniin. Yeroo kana Gootichi Ilma Oromoo Waaqoo Guutuu murtii

dukkanaayaa Habashoon Ummata Oromootti kennite kana diduun walgayii keessaa dhiitee yoo bahu, Kolonneelli lamaan aariin ija itti baasuun “koottu eessa deemta“jedhanii waamani.

Waaqoo Guutuu garuu waan tokko osoo hin sodaatin ija isaanii dura dhufee dhaabbate. Koloneel Zawudeen “ maaliif murtii mangistii fudhattee lafa

tana irra hin kaane?” jedhee lolaan gaafate. 

Waaqoonis dallansumaan maaliif

kaana? sababan lafa tiyya irraa ka’uuf maali? Lafa tiyya irraa ka’ee eessa deemna? jedhee gaaffii gaaffiin deebisee gaafate. Habashichis lafti tun teessanii miti, wanti irraa kaatuufillee lafti

isin (kasafte) jirti. Lafti teessan Dhaddacha Warraabii achitti galaa jedheen.

Waaqoo Guutuulleen jechaa isaa kana ajaa’ibuun lafa tiyyatuu

na (kasasaa)? Akaakoo Abaaboon irrati jiraannee adha

geenyee ammaan dura maaliif

nu hin (kasasin)? ammoo isinuu warra laga gamaa nutti dhufee

abbaa torbatti (7) fiixaa teessan hin beekne, eeeeeee isin nu

irraa nyaattanii, nu nyaataa jirtan isin hin (kasafinee) maaliif nu

(kasafitii)?” jedheen.

Eergamaan mootummaa kun akka jabaa dallanuun edaa atii

akka lafti tun nu

(kassaftu) yaada qabdaa? Ammaaf san hin argattu murti siif

keenname fudhate ni baata moo hin baatu? gaaffii tana

qoofaaf deebii naa keenni

jedheen.....Waaqoo Guutuu obsaan uf qabbaneessuun mee

murti san deebii sii kennuun dura waan tokko si gaafadha na

deebisi jedheen. ”Lafa Kurkurru''

jedhamtu kan karaan Makiinaa irra bahu kana argite beektaa?

jedhee qubaan itti akkeekuun gafatee.

Amartichiilee Ee ni beekaa jedheen, Kooba ykn Kuyyiisaa takka

kan karaa san keessatti baate yeroo hunda Makiinaan irra

deemtaan diigdaan kan isiin ammoo halkaan maraa ijaaramtee

bultu kan ganamaa maraa diigdan argitee beektaa? jedhee

gaafate. Amartichilee Ee

argee jira jedheen. Waaqoo Guutuu, “Koobuun sun ganama

maraa

ni diiggamti maalliif baduu diddee?” jedheen, Amartichiis

akkamtii baddii baduu hin dandeessu malee! Makiinaan

gubbaa irra qofa diigaa hiddi isii lafa jala jira hiddaan buqqisee

hin danda’u

kanaaf hin badne jedheen.

Gootichillee dubbiin karaa inni fedhu dhufuu isiitiif jaboo

gammaddee, “Gaari kana beekuun kee, waan guddaadha, akka

wanti hiddi isaa lafa keessa jiru salphaatti hin banne atuu

beektee lafa ati irraa ka’i, yoo didde si balleessaa naan jettu

kana Handhuura tiyyatu jalatti awwaalamee jiraa beeki, lafee

abaaboo-akaakoo kiyyaatti keessatti awwaalamee jiraa beeki,

awwaala abbaa kiyyaattu kunoo armaan gama Bitaatta jiraa

beeki, kanaafuu anillee ammaaf manaa sii bayee, lagaa

ammoo siif hin bayuu, tana beekaa jiraadhu.” jedheenii yoo

inni socho’u hiriyyichi isaa Abdullaahii Usmaan Guutuu, duukaa

bu’e.

“Gabroomfattootni ammoo ummatichaan guyyaa (7) keessatti

akka gadi lakkiftanii biyyanaa baatan, murtii kana beekaa,”

jedhanii, gadi furan. Jagnootni Diddaa murtii gabroomfattoota

atiin bayan Gannaalleen gama cee’anii, Walaabu keessatti

Kadir Waariyoo

Luugoo, Abdurrahmaan Haroo Abdii, Huseen Harcummaa

Boruu, Huseen Abdurrahmaan Jaldoo, Roobaa Hindukkoo, Taa’oo Iggee Muussaa Dooyaa Jaarsoo, Huseen

Waaqoo Dhaddee tiin walqunnamuun, murtii gabroomfataan

ummata irratti dabarse kana dura dhaabachu’uuf qawwee (4) qaban irratti (3) dabalatanii bitachuun lolaaf uf qopheessan.

Haala kanaan diinaan lolaa humna cimsataa deemun,

Soomaalee irraas odeessa argachuu jalqaban.

Waaqoo Guutuu: Kadiir Wariyoo tii fi Huseen

Harcummaa fudhatee, Abdullaahii Usmaan,

Muussaa Sheekaa, fi Abdurrahmaan Haroo dhaamsa waliin biyyatti ol deebisee gara biyya Somaalee

socho’e. “Ummata keenyaan wal ta’aa, Amaara uf irraa ittisaa,

hafuura keenyallee nu hordofaa!” jedhanii Eela Baalantichaatti

addaan bobba’uun, bakka bu’oota waraana gosoota: Ajjuurana,

Karallee, Gurraa, Garrii fi w.k.f-wajjiin walqabatanii Bulahawoon Sommaalee seenan.

Worri dhaamsaan biyyatti ol-deebi’ellee, Gannaale “Arba-

Gabbaa” bakka jedhamtutti ummata walga’e kan maanguddootni akka Waaqoo Luugoo, Camarrii Guutuu, Aadam Jiloo, Muussaa Dooyaa, Ibraahim Qurii tii fi k.k.f

keessatti argaman qunnamuun dhaamsa isaanii dabarfatan.

Murni gama biyya ollaa deeme, qondaalota Somaalee

Bulahawoo irratti qunnamuun yaada isaanii erga hubachiisaniin

booda, Xayyaaraan Moqadishoo geessuun, ajajaa Poolisaa

Motummaa Soomaale’ee Kol. Umar

Muhaammad H/Masallaa simatee qubachiisuun dhimma isaan

deemaniin erga irraa hubateen booda, gara Jen. Daawud Abdullee, M/ra ittisa biyyaatti geesse.

Jeneraaltichillee qormaata fedhu irratti dhuunfaa fi gamtaan

adeemsisee, haala ummata kanniinii erga hubateen booda, Waaqoo Guutuu addatti waamee, ”Mootummaan

Habashaa: Mootummaa dullatti bara dheeraa bulchiinsa irra turtee, isin dhiisii nutuu Mootummaan Somaalee humna

isaaniin nu lolchiisuu dandeechu gayaa hin qabnuu, woraanni mootummaa Itoophiyaa guddaa akka ta’e isinuu himaa jirtanii waan humna keessaniitii olii kanaan loluuf yaaduu dhiisaa,

waan sin barbaadchisan hundaa siifan godha taa’i, asuma qubadhuu taa’ii yeroo itti eeggadhuu,!” jedheen.

Waaqoo Guutuu, mootummaan Itophiyaa

waraana guddaa qaba jechuun kee dhugaadha, garuu nuti

gurmuu guddina isaa dadhabnee usuu hin feenu, meeshaa

waraanaa keessattu rasaasa dhabuu keenyaf malee, yoo meeshaa

waraanaa arganne, rabbiin gargarsifannee akka uf irraa kaasuu dandeenyu ummata kiyya irraa abdiin qaba, rakko jiru

dadhabadhee biyyaa hin baane, laaftee jabaatteellee manuma

hoo’aa keessaa bayeen, amma diina maanguddoo, dubartii fi daa’imman teenya bakka hundatti fixaa jiru fi qabeenya keenya saamuu fi barbadeessaa jiru kana hanga dhoofnee uf keessaa baafnutti jireenyi ani mataa mataa kiyyaan argadhee

ittiin jiraadhu tokkollee naaf hin jiru, mootumma Habashaa ‘Guddoo’

hin dandeessan,” jettu tana akka dandeenyu sitti garsiifnaa, yoo qawwee guddoollee naaf dhabde, rasaasuma

Albeenii fi Minishirii naaf kenni,” Ammallee isin obboleewwankeenya tokkoo, rabbiin isin gargaaree, rakkoo gabrummaa

hamtuu sana jalaa isin baasee, namni miila lamaan dhoqqee seene miila tokko dhiqatee tokko hin dhiisuu, nuti miila

keessan tokko kan dhoqqee keessatti hafee, dhoqqee gabrummaa habashaa kana keessaa waan dandeessaniin nu

gargaaraa, nu baasaa,” jedheen.

Jen. Daawudillee yaada isaa kana

xiinxalluun hubatee, “Wanti ati nuun

jette,dhugumaa! ammoo nutillee marga qacalee reef bayaa jiru, ni beektan, wanti guddoon isin gargaarru

jiraachuu baatus, waan humna keenyaa isiniif goona, mee

hangasiif gama Bulahawootti ol-deebi’aatii na eegaa, “ jedhee

gara kol. Umar deebise.

Guyyaa gabaabaa keessatti kol. Umar jara

kaawwan Bulaahawootti gaggeesse. Waaqoo fi Kadiiriin

Moqadishootti hambise. Isaan ammoo, afaan Somaalee

faaratti beeekuu dhabuu irraa kan ka’e, hafuu isaanii kanatti,

“Maaliif nu hambisan?” jedhanii yaadda'an.

Hedduu rifatan, gaddan. Tanuma keessa Jen Daawud guyyaa

lammataa Helekooptera ufiitiin Waaqoo fi Kadiriin Gara Bulaahawootti fudhate.

Amma Jen. Daawud hooganoota gosoota

waraana hundaa waliin jiran walitti qabee, Jen Waaqoon hooganaa isaanii godhee itti file ykn muude.Qawwee Dhoombir

(40) Matirayyasii Toomaas (2) fi Boombii (3) kenneefii, “yoo isin silaafuu waraana Amaaraa hin dandeessanii, Mallayyoo Poolisaa ykn hiituma mudhiillee

boojitanii naaf fiddan fuula dura waan kanaa olii akka isin

gargaaruu fi bifaa fi baay’inni qawweellee kanaa ol akka ta’u waadaa siif gala,” jedhee gaggeessa.

Amma Waaqon nama (3)n qawwee (42) fi boombii (3) fe’atanii

galuuf gaala barbaadachutti jiran, Camarrii Guutuu waraana

nama (40) qabatee dib-jedheef. Gammachuu gudda’aan qawwee walii hiratanii, itti gaafatamtoota waraana kaanii wajjiin taa’anii mari’atan.

Sochii isaaniifillee maqaa baafatan. “HIZBII” ufiin jedhan.

Namuu gama biyya isaa sosso’e, waraanni Waaqoollee

OROMIYAA-BAALE tti qajeele.

Humni Waaqoo Guutuu Oromiyaa seene, maqaa isaa kanuma

qawwee isaa baafate, “DHOOMBIR“ ofiin jedhe. Bara 1963 malkaa Annaa tti seensa ji’a caamsaa irratti woraana Amaara

kan isaan gaadaa jiru, lak. (600) ta’u, shaalaqaa Buzunaan

durfamuun waliin walsiman. Lola ganama sa’aa 10:00(4:00L.T)

irraa jalqabee saafaya

booda 2:30(8:30LT) tti adeemsifameen, humna diinaa irraa

namni (43) reeffa ta’ee madoon (100) olitti lakkaawamte.

Yeroo duraatii fi qawween Oromoo akka Amaara ajjeeftu hojiin

mul'atee, beeraa fi ijoolleen daawwatte.

Guyyaa kana qawwee M1 ykn Furgoo (8) kan akaakuun isaa

hin beekamin (13) booji’an.

Shaalaqaa Buzunaan dursa waraana ofii baqatee Bidiretti gale.

Gootota Diddaa-Gabrummaatiif bahan keessaa lola kana irratti

goototni (2) woreegaman. Isaanis: Ahimad Muhaammad

Baladee fi Nuur Yisaaq Dhaddee turan.

Falmiin bifa kanaan jalqabee bal'inaan itti

fufee kutaa Baalee walakkaa ol akkasumas Sidaamoo koonyaa

muraasa gabrummaa Habashaa jalaa bilisoomsee waggaa (8)f

bulchaa ture.

Haaloo baafannaan Hayilee Sillaasee birmachuu meeshaa fi

beektota Faranjiitiin(Ingiliz) gargaaramee garjabeenyaan hamma

bara1969 ummata Oromoo beeraa fi ijoollee (315) qilee keessatti fixuun diniina ummatatti kenne.

Kunis:- “WAAQOON FIDUU, YKN AMMOO

UMMATA HARKA ISAA BOOJUU JIRU KEESSAA DHIIRA

UMURII (15) OLII JIRAN FIXUU” jedhee maanguddoota waamuun itti hima.

Dhiibba kana irraa kan ka’e, ”anaaf jecha

lubbuun ummata kiyyaa hin dhabamin.”jedhee Onkololeessa

1970 Motummaa Hayila Sillaasetti harka

kennatan.

Haaluma kanaan, gootichi Waaqo qoratamanii Nugusicha

waliinillee dubbatan. Badii biyyaa irratti raawwatameef

gutummaa-guututti kan

mootummaa ta’uun itti walii galamee, amma booda biyya

waliin bulchina,” jedhan. Aangoo fi bulchaa llee mirkaneessanii

fii Jen. Waaqollee biyyatti deebi’an. Hanga dhuma 1975 biyyuma keessa turanii

1976 humna woraana Soowraa

Ykn Jaanaddee ijaaramee ol bobba’e Magaalaa Bidiree keessaa bahuun isaaniitti makaman. Bara 1976-1983

ittigaafatama adda-addaa irratti

humna Soowraa hoogganaa turan.

- Ajajaa waraanaa ta’uun,

- Itti gaafatamaa dantaa haajaa alaa ta’uun

- Itti aanummaan gaggeessaa turan.

Akeekni Jen. Waaqoo Bilisummaa Ummata Oromooti. Kunis

kan mirkanaa’u tokkummaan Ummata Oromoo yoo eegame

jechuun, Dhaaba Adda Tokkummaa Bilisummaa Ummata

Oromoo /ATBUO/ bara 1989 ijaaranii dura

bu’ummaan hooganaa turan. Bara 1991

Motummaan Dargii jige,”rakkinna Ummata

Oromoo karaa nagayaatiin

haafuramuu,” jechuudhaan Mootummaa

cee’umsaatti dhaabilee dabalaman keessaa jaarmayaan Waaqoo Guutuu isa tokkoo dha. 

Diinni qoosaa hin beekuu, murtii nagayaa diignaan isaanis bara 1992 chaartera keessaa bahanii qabsootti

deebi’an. Bara 2000 tti humnoota Oromoo qindeessuun /ULFO/ dura

taa’ummaan gaggeessanii jiru. 

Waldhabbii jaarmayaalee Oromoo jidduu

jirus furuuf qooda guddaa kennanii jiran. Dhaamsa Ummataa

dura taa’ummaan gaggeessanii jiru. Waldhabbii jaarmayaalee

Oromoo jidduu jirus furuuf qooda guddaa kennanii jiran.

Dhaamsa Ummataa ergan

keessaas, “Yaa ummata keenya gaafa beekaan hin

heddumaatin wal jala yaanee, diina keenya of irraa dhoofne,

har'a ammoo, beekaan heddummaatee, waldhagayuun

dhabamtee, ummata keenyaallee waa godhuu hanqanne, har'a

tokko ta’aa jirra, dhaabbilee Oromoo (6)n walii galtee uumaa

jirra, Ummatni keenya waan guddaan gadii baanaan nu eegaa

jira, mee gaara dorrobe nu hin godhinaa. Bara durii gaarri dorrobee maal dhala jedhanii osoo eeganuu, lilmmoo dhale,

gaara dorrobee lilmmoo dhale

nu hin godhinaa,” jedhanii ummata isaaniitti dhaamatanii turan.

Amma ammoo, fayyaa irraa kan ka’e

dadhabanillee, bakka ciisaniiyyuu waanuma bilisummaa

Oromoo wirdii godhanii amriin

karabbiiti dhaamsa isa dhumaallee dabarfatanii gara mana

isaanii kanumaruu irraa hin hafneef

godaananii jiru.

DHAAMSA:-

Tokkummaa keessan diinni isin hin diigin! Namni mana tokko

ijaaru citaa walhinsaamuu,

-BEEKKADHAA!

-TOKKUMMAAN TIKSAA!

-TOKKOOMTAN MALEE BILISUMMAAN

HINDHUFUU!

-TOKKO TA’AATII BIYYA KEESSAN BARBAADAA!

ANI WAAN QOODA KIYYAA UF IRRAA GEESSEE

BIYYA KEESSAN HIN GATINAA!

Kana dhamuudhaan guraandhala bultii sadi bara 2006

addunyaa

tana irraa deemanii jiru.

Qabrii Isaanii Daadhin haa guutu!