ILMI MOOTII BIRITISH FILIP GANNA 99tti BOQOTE.

-



Waggoota 73f abbaa warraa giiftii Biritish Elizaabet 2ffaa kan ture Ilmi mootii Fiiliip, Duukiin Edinbiraa ganna 99tti du'aan boqochuu masaraan biyyaalessaa Bakiingihaam beeksise.


Ilmi mootii Filiip fi intalli mootii Elizabeet kan bultii ijaarratan bara 1947 ture, kunis Elizabeet Giiftii ta'uu waggaa shan dura ture. Gaa'illi isaanii seenaa warra mootii Biritish keessatti isa dheeradha.


Ibsi masaraa Baakingiham akkas jedhe: "Kabajamtuu kan taate Giiftiin [Elizaabeet] gadda guddaadhaan abbaan warraa ishee jaalatamaa ta'e, ilmi mootii Fiilip, Duukiin Edinbarg boqochuu isaa beeksifti."


"Ilmi mootii Filiip ganama kanaa Masaraa Windisoor keessatti nagaan boqoteera."




MADDA SUURAA,REUTERS

Ibsa waa'ee suuraa,

Beeksifni du'a ilma mooti karra masaraa Baakingihaam irratti maxxanfame

MM UK Booriis Joonsan duukichi "jireenya dargaggoota hedduuf dadammaqina ykn hamilee uumee ture" jedhan.


"Maatiin warra mootii mamii tokko malee dhaabbata jireenyi biyyaalessaa keenya gammachuu fi madaala akka qabaatu godhuu keessatti barbaachisummaa qabu akka ta'e gargaareera."


'Cichoomina jabaa'


Hogganaan paartii warra Leebar Sar Keer Istarmer UKn "tajaajilaa uummataa adda ta'e" dhabde jedhe. Itti dabaluunis "Cichoomina adda ta'ee fi Giiftiif of kennuu isaatiin" yaadatama jedhe.


Bulchituun Iskootilaand Nikoolaa Isturjen, du'a duukichaan "gaddeera" jette. "Ergaa jajjabinaa kan dhunfaa koo, kan mootummaa fi uummata Iskootilaand - kabajamtuu giiftii Elizaabetiifi maatii isheef dhaamna" jette.


Namoonni bebbeekamoo kaanis du'a duukichaan gadda itti dhagaahame ibsataa jiru




MADDA SUURAA,TIM GRAHAM/PA

Ibsa waa'ee suuraa,

Duukiin Edinbiraa bar-kurnee 6 oliif Giiftii Elizaabet waliin turan



Duukiin Edinbiraa, ilmi mootii Fiilip Bitootessa darbe ture hospitaala 'King Edward VII' kan jiddugaleessa Landan jiru, iddoo baatii tokkoof itti wal'aanamaa turanii kan bahan.


Achitti rakkoo onnee yaalamaa turan.


Ilmi mootii Filiip fi Giiftiin Elizabeet ijoollee afur, akkawoo saddeeti fi akaakilee 10 waliin horaniiru.


Comments

Post a Comment

Popular posts from this blog

SEENAA J. WAAQOO GUUTUU

-
SEENAA JENERAAL WAAQOO GUUTUU USUU                     Gootichi Oromoo Jeneraal Waaqoo Guutuu Usuu , Abbaa isaanii Obbo Guutuu Usuu Cammarrii fi haadha isaanii Aaddee Dhuulloo Alii Hasan irraa bara 1924 Ona madda- Walaabuu lafa Odaa jedhamutti dhalatan. Abbaan isaanii Obbo Guutuun ilma dhiiraa (10) fi durba (9) wolumaa galatti ujoollee (19) qaban turan. Isaan keessaa Jeneraal Waaqo ammoo dubartoota ( 7 ) irraa ijoollee (49) kan horan yoo ta’an , kanniin keessaa (15) lubbuun hin jiran. Yeroo ammaa abbaa dubartii (16) tii fi dhiira (18) walumaa galatti abbaa ijoollee (34) ti. Generaal Waaqoon ijoolummaa isaanii irraa jalqabanii armi’aayaa, xiiqii fi jibbansa diinaa qabaniif qofa osoo hinta’in Diddaa Gabrummaatiif faandhooftuu turan. Bara 1938 tti osoo abbaan isaanii hin beekin, fuudhanii mana osoo hin bahin gabayanii horii abbaa isaaniitiif obbolleesa hangafaa gurguratanii qawwee bitatan.Sammuun isaanii roorroo gabrummaa fudhataa waan hin ta
Read more

Bineensi Itoophiyaa Qofatti Argaman Jeedala Diimtuu Gaarreen Baalee Maalirra Jiru?

-
Image
Jeedala Diimtuu Jeedalli diimtuun sanyii bineeldota marartoo Itoophiyaa qofaa keessatti argamtu yoo taatu, sanyii bineensota baduuf qarree gahanitti ramadamti. Harki caalaan bineensa kanaa Oromiyaa keessaa paarkii gaarreen Baalee keessatti argama. BBCn Sagantaa Kunuunsa Jeedala Diimtuu Itoophiyaarraa akka odeeffateetti, lakkoofsi bineensa marartoo kanaa 500 hin caalu. Hir’ina lakkoofsa bineeldoota kanneetiif sababi ijoon saroonni manaa paarkiiwwan seenanii dhibee saree maraattuu (rabies) jedhamu itti dabarsuun dhibichaan du’usaaniiti jedhame. Yeroo ammaattis jeedalli dhibee saree irraa hafan paarkii gaarreen Baalee iddoo Koteeraa fi Saannatee jedhamutti ilmoo guddifataa jiru. Sanyiin bineensa marartoo kun guutummaatti addunyaarraa akka hinbadne baraaruuf hojii hojjatamaa jiraachuu fi madda galii turizimii gochuurratti hanqina jiraachu dubbatama. Dhibeen saree maraatuu sanyii jeedala diimtuuf yaaddoo ta’u kan himan hogganaan Sagantaa Eegumsa Jeedalaa damee Oromiyaa Obbo Idiris
Read more

SEENAA AGARII TULLUU

-
Image
           SEENAA AGARII TULLUU          Agarii Tulluu Agariin Tulluu' qabsaawaa mirga Oromooti . Agariin bara sirna abbaa lafaa keessa cunqursaa ummata Oromoorra ga'u balaaleffachuudhan qabsoo waraanaa jalqabe. Qabsoo irra guddaa gochaa kan ture naannoo Salaaletti ture. Qabsoo kana gara naannoo biraattis baballisuuf sochii gochaa ture. Ijoollummaasaa Agarii Tulluu giddu galeessa Oromiyaa godiina Shawaa Kaabaa aanaaa Dagam iddoo addaa Leemman sillaasee jedhamuutti bara 1934tti dhalate. Agarii Tullu diimaa gara magaalatti aanuu fi dhaabbanni isaa baayyee gabaabadha. Yemmuu alaalaa ilaalan nama homaa hin beekne wayii fakkaata. Yeroo baayyee fuula isaa iraa gammachuutu dubbifama. Onneen isaa garuu dhiibbaa ilmaan nafxanyaatin madooftee jirti. Namoonnii isatti dhiyaata akka ragaa bahanitti Agariin garraamessa. Garraamummaan isaa garuu sodaataa isa hin goone, hinumaayyuu akka inni hiyyeessaf falmuuf baay'ee gargaare. Agarii Tulluu bishaan daakudhan yeroo ijoollumaasaa dabarse. G
Read more